تارت التفاح
جبتلكم روسات تارت تفاح بنينة وخفيفة. الوصفة هذي عجبتني على خاطر طعم القرفة فيها خفيف ومافيهاش برشة زبدة.
التارت هذي بش تعجبكم على خاطر لا يزي سهلا وزيد بنينة وخفيفة.
الوصفة
- حضر عجينة التارت حسب الوصفة إلي حكينا عليها قبل.
- خلط المكونات الجافة مع بعضها :السكر الأسمر، النشا، القرفة وجوزة الطيب.
- قشر التفاح وقصه شرائح.
- خلط شرائح التفاح مع المكونات الجافة من بعد زيد الزبدة المذوبة.
- حل العجينة على إناء الفرن و حط خلطة التفاح.
- تنجم تزيد تزين التارت بالعجينة مالفوق ومن بعد تدهنها بأصفر عظمة مخلط بالحليب.
- ذر شوية سكر فوق التارت.
- طيب التارت في فرن مسبق الحرارة على 180°C لمدة 50 دقيقة.
صحة وبالشفاء!
