بسبوسة جوز الهند
بسبوسة جوز الهند، ساهلة وبنينة وفيسع تحضر، تحلي سهريات رمضان وإلا قهوة العشية.
الوصفة
- أول حاجة، ابدا بتحضير الشحور.
- حط الماء والسكر في كسرونة يغليو على نار متوسطة.
- كيف يبدا يغلي، زيد عصرة القارص وخليه يغلي لمدة 5 دقايق.
- نحي الشحور من على النار وخليه يبرد.
- حضر خليط البسبوسة.
- خلط المكونات الجافة مع بعضها: السميد والسكرو جوز الهند والملح.
- في صحفة أخرى، خلط الياغورت مع الزيت وزيدهم للمكونات الجافة.
- خلط لين المزيج يولي متجانس.
- خوذ طبق الفرن (مدور أو مربع) وادهنه بالزبدة.
- حط فيه خليط البسبوسة واستويها ملفوق مليح.
- غطيها وخليها ترتاح 30 دقيقة.
- قص البسبوسة إلى مربعات في الطبق وزينها باللوز.
- حطها تطيب 25 إلى 35 دقيقة في فرن مسبق التسخين على حرارة 180°C
- كي تحمار شوية مالفوق خرجها وسب عليها الشحور البارد.
- رجعها للفرن لمدة 5 إلى 10 دقايق لين تشرب الشحور الكل وتولي ذهبية تلمع مالفوق.
- خليها تبرد من بعد قدمها.
- تنجم زادة تزيد تزينها بجوز الهند.
- ملاحظة: الكاس إلي استعملته يسيع 200 مل.
صحة وبالشفاء!
