بوزة
حلويات تونسية
البوزة وصفة تونسية، من الحاجات إلي نعملوها عادةً في رمضان للسهرة، تغذي وتقنّع وزيد بنينة وساهلة.
فمة شكون يحبوا ياكلوها بالمغرفة كيف الكريمة وفمة شكون يحبها تتشرب في الكاس.
الوصفة
- خلط الجلجلان المرحي والبوفريوة والدرع مع طرف ماء في الخلاط حتى يولي الخليط أرطب.
- حط الخليط في كسرونة وزيد بقية الماء.
- حط الخليط على النار و حرك باستمرار حتى لين الكريمة تولي عاقدة.
- زيد الحليب والسكر حسب الرغبة وخليهم يغليو من غير ما تاقف على التحريك.
- كمية الحليب تنجم تزيد فيها و إلا تنقص، حسب الرغبة، إذا تحب البوزة عاقدة تتاكل بالمغرفة وإلا جارية تتشرب في كاس.
- البوزة تتقدم سخونة، تنجم تكون كيف الكريمة وتنجم زادة تكون جارية.
صحة وبالشفاء!
