كعك بالتمر
حلويات تونسية
كعك التمر إلي جبتهولكم من غير سكر وهشوش وبنين. نحبه كيف يبدى في اخر العشية مع قهوة عربي مفوحة بالزهر… حويجة بنينة تذكرني في عشويات تونس.
جربوا الوصفة ساهلة والنتيجة بنينة برشة.
الوصفة
- 200°C
- 25 دق.
- خلط السميد والفارينة والملح مع بعضهم.
- زيد الزيت والزبدة المذوبة وخلط مليح.
- زيد الماء الدافي بالشوية بالشوية وأعجن. حاول حط كمية الماء الكافية بش تتحصل على عجينة متماسكة وتطاوعك في التشكيل. اعركها بين 5 و 10 دقايق.
- خلي العجينة ترتاح لمدة 1 ساعة.
- فوح التمر المعجون بالقرفة. كانو شايح شوية زيده شوية زيت زيتونة.
- زيد الجلجلان للعجينة.
- شكل الكعك حسب الكبر والشكل إلي تحبه ومتنساش باش تحشيه بالتمر.
- طيب الكعك في الفرن على حرارة 200°C لمدة 25 دقيقة.
صحة وبالشفاء!
