كيكة الشكلاطة
من أفضل كيكات الشكلاطة وأحبها عندي…
أبعد ما يكون عن كايك صحي، لكن بنين برشة وغني بطعم الشكلاطة.
الوصفة
- اركض أبيض العضم مع رشة ملح لين يشد روحه مليح.
- زيد 3 مغارف سكر (إلي خليتهم على جنب من الأول) لأبيض العضم وزيد اركض لين يولي يلمع.
- خلي الmeringue على شيرة لمن بعد.
- حط الشكلاطة المقصوصة، ومكعبات الزبدة والسكر في كسرونة وخليهم يذوبوا على نار خفيفة، مع التحريك.
- زيد روح الفانيليا للشكلاطة وخلي الخليط يبرد شوية.
- زيد أصفر العضم بالكعبة للخليط وخلط، من بعد زيد الفارينة.
- زيد الmeringue للخليط بالطرف،وحاول غلفها في الخليط باش ماتهبطش وتخسر الهوا متاعها.
- ادهن الإناء متاع الفرن بالزبدة مليح أو غلفه مليح بورق الفرن. من المستحسن استعمل إناء مدور متاع تشيز كيك (23 صم).
- طيب الكيكة في فرن مسبق التسخين على 160°C لمدة بين 40 و 45 دقيقة.
- كيف الكيكة تطيب، نحيها من الإناء وخليها تبرد فوق حاجة مشبكة.
- كي تجي تنحيها، تنجم تخليها في نفس الوجه إلي طابت عليه، وهكاكة الوجه يجي يتقرمش شوية، وإلا تقلبها باش تتحصل على وجه مستوي..
- رش فوق منها السكر المحور للزينة. (إستعمل غربال وإلا صفاية صغيرة).
صحة وبالشفاء!
