Name: لبلابي
Total time: 2 h
Yield: 6 أشخاص
Ingredients: 2 كيسان حمص، مغسول منفّخ لمدة ليلة; 3 أو 4 روس ثوم، مقشرين; ½ كعبة قارص; ملح، فلفل أكحل، كمّون مرحي، هريسة، كبّار، زيتون، خلّ، زيت زيتونة، فلفل مصيّر; عضمة مسموطة دقيقتين، لكل شخص; خبز مفتفت (من المستحسن يكون بايت)

اللبلابي أكلة شعبية تونسية، وهي عبارة على شربة حمص. الإقبال على اللبلابي يكثر في فصل الشتاء. هو في الأصل أكلة البسطاء لكن تعمم برشة في العشريات الأخيرة وولى أكلة التونسي المفضلة في أيام البرد.

الوصفة

2 كيسان حمص، مغسول منفّخ لمدة ليلة

3 أو 4 روس ثوم، مقشرين

½ كعبة قارص

ملح، فلفل أكحل، كمّون مرحي، هريسة، كبّار، زيتون، خلّ، زيت زيتونة، فلفل مصيّر

عضمة مسموطة دقيقتين، لكل شخص

خبز مفتفت (من المستحسن يكون بايت)

اغسل الحمص وخليه يتنفّخ لمدة ليلة في 3 لترات ماء.
حط الحمص بالماء إلي تنفّخ فيه في طنجرة كبيرة.
زيد الثوم، زوز مغارف كبار زيت وشطر كعبة قارص وخليه يطيب لمدة ساعة ونصف أو ساعتين حتى لين الحمص يطيب ويولي هابي.
قدّم اللبلابي في صحاف تزيدلهم الفّاحات بطريقة فرديّة حسب الرغبة، زيد الخبز والعضمة، خلّط وكول بالشفاء.

الوصفة

صحة وبالشفاء!