تارت مالحة بالكراث والفطرو القرع الأخضر

تارت مالحة، ساهلة وبنينة، تتقدم مع شربة دافية وإلا سلاطة.

في الوصفة هذي تنجم تعوض الكراث بالبصل، وتنجم زادة تضيف دجاج.

الوصفة

• خلط الزبدة مع الفارينة بإستعمال أطراف الأصابع. من المستحسن إستعمل mixeur.
• زيد أصفر البيضة وشوية ملح.
• زيد الماء البارد بالشوية، ما يلملك العجينة.
• ما يلزمش تخدم العجينة برشة.
• خلي العجينة ترتاح لمدة 20 دقيقة على الأقل في الثلاجة.

• قلي الكراث أو البصل مع شوية زيت على نار متوسطة، لمدة 5 دقايق.
• زيد الفطر والقرع الأخضر، وذبلهم لمدة 10 إلى 15 دقيقة.
• حط الخليط في صحفة.
• زيد البيض، أبيض البيضة، الجبن، الcrème fraîche ، الملح والفلفل أكحل.

• حل العجينة بالقلقال وشوية فارينة، وحطها في إناء التارت.
• نقب العجينة بالفرشيطة.
• حط الحشو.
• حط شوية جبن مبشور مالفوق.
• طيبها في فرن مسبق التسخين على 190°C لمدة بين 40 و 45 دقيقة.
• قدمها دافية.

صحة وبالشفاء!