مقروض
مقروض محشي بالتمر
المقروض، من الحلويات المغاربية التقليدية، مخدوم بالسميد، محشي بالتمر الفاوح بالقرفة، ومشحر عالكيف.
الوصفة هذي وصفة متوارثة في العايلة، وصفة مماتي الله يرحمها، كانت حاذقة برشة في الكوجينة والحلو الزمني.
المقروض عادة يتقلى في الزيت، لكن هنا خيرت نطيبه في الفرن.
الوصفة
- نظف التمر ونحيله قلوبه وإرحيه لين يولي عجينة.
- زيد القرفة وشوية زيت زيتونة نطريو بيه العجينة.
- شكل حبل جويد متع عجينة التمر وخليهم على جنب.
- حط السكر والماء في كسرونة كبيرة وحطهم يغليو على نار متوسطة.
- كي يبدا يغلي، زيد عصرة القارص والعطرشية.
- خليه يغلي شوية من بعد نحيه من على النار وخليه يبرد.
- خلط السميد مع الملح وقشور البرتقال في صحفة كبيرة.
- زيد الزيت والسمن أو الزبدة.
- خلط ملح باليدين من غير ما تعرك.
- غطيه بمنديلة نظيفة وخليه يرتاح عالأقل 3 ساعات.
- زيد شوية ماء دافي والفارينة وخلط ملح من غير ما تعرك.
- زيد الماء بشوية لين تتحصل على عجينة طرية، رطبة وشادة روحها.
- قسم العجينة إلى 4.
- شكل طرف العجينة إلى حبل خشين شوية واعمل فيه حفرة على طوله في الوسط بصبعك.
- حط التمر إلي فوحته وشكلته من قبل.
- سكر العجينة على التمر ودورها لين تولي رطبة.
- سطحها بكف اليد أو بإستعمال طابع المقروض.
- قص مقروضات متساوين في الحجم وحطهم فوق طبق مغلف بورق الفرن.
- طيب المقروض في فرن مسبق التسخين على درجة 180°C، حتى لين لونه يولي ذهبي مزيان.
- دوب تخرج المقروض من الفرن، غطسه في الشحور البارد.
- خرج المقروض مالشحور وخليه يستقطر في صفاية أو كسكاس محطوط فوق صحفة.
- كي يستقطر شحوروه مليح ويبرد، حط المقروض في حاجة تتغطى باحكام.
صحة وبالشفاء!
