كايك

من أسهل الكايكات وأكثرهم حضور على طاولة فطور الصباح.

الوصفة متع الكايك هذا بالزيت النباتي. إذا تحب الوصفة متع الكايك بالزبدة، تنجم تلقاها على الرابط هذا.

الوصفة

• غربل الفارينة مع الخميرة الكيميائية في صحفة وخليهم على جنب.
• في صحفة أخرى، اركض العضمات مع السكر ومن بعد زيدهم الزيت.
• زيد عليهم الفارينة وخلط مليح.
• زيد الحليب.
• اقسم العجينة في زوز صحاف بالتساوي، و خلط بودرة الكاكاو في وحدة منهم.
• ادهن إناء الفرن متاع الكايك بالزبدة، أو غلفه بورق الفرن، وصب فيه الصحفتين مرة بمرة باش الكايك يجي مزين على لونين كيف الرخام.
• طيب الكايك في فرن مسبق التسخين على درجة 175°C لمدة ما بين 40 و 45 دقيقة.
• خلي الكايك يبرد في الإناء متاعه لمدة 5 دقايق من بعد خرجه وخليه يبرد فوق حاجة مشبكة.

معلومات غذائية

• سعرات حرارية: 187
• كربوهيدرات: 22.2g
• كوليسترول: 42mg
• دهون: 9.8g
• ألياف: 0.6g
• بروتين: 3.4g
• دهون مشبعة: 1.6g
• صوديوم: 20mg
• سكر: 8.8g

صحة وبالشفاء!