مصلي دجاج
وصفة تونسية
مصلي الدجاج من الأطباق الساهلة والصحية، خاصةً إنه يطيب في الفرن وتحضيره ماياخذش وقت.
الوصفة
- في صحفة كبيرة، فوح الدجاج بالزيت زيتونة، كركم، فلفل أكحل وملح.
- قشر البطاطا وقصها بالطول.
- قص البصل شرائح.
- قص الطماطم والفلفل شرائح كبيرة.
- حط البصل في إناء الفرن.
- حط طروف الدجاج فوق البصل وحط معاهم طروف البطاطا.
- زين الطبق بالطماطم والفلفل.
- خلط بقية التفويحة متاع الدجاج مع ماء سخون.
- صب الماء فوق المكونات إلي محطوطة في طبق الفرن.
- الماء لازم يغم الدجاج.
- حط أعراف الكليل في وسط المرقة.
- إذا ماعندكش كليل أخضر تنجم تستعمل الشايح.
- حط الطبق يطيب لمدة 30 إلى 40 دقيقة في فرن مسبق التسخين على درجة 200°C.
- تفقد طياب البطاطا باستعمال سكينة.
- قدم المصلي سخون مع خبز وبصل ومعدنوس مقصوصين جويدين.
معلومات غذائية
- سعرات حرارية: 447
- كربوهيدرات: 49.2g
- كوليسترول: 53mg
- دهون: 19.1g
- ألياف: 6g
- بروتين: 22.5g
- دهون مشبعة: 3.3g
- حجم الحصة: بلاش خبز
- صوديوم: 988mg
- سكر: 9.7g
صحة وبالشفاء!
