تشيز كايك

تشيزكايك ساهل وبنين، بدون فرن وبدون جيلاتين.

إذا عندك moule à ressort (spécial cheesecake)، حط الكايك يرتاح في الثلاجة 4 ساعات قبل التقديم.

إذا ما عندكش، و باش تتحصل على démoulage مزيان، غلف الدخلاني متع إناء التشيزكايك بورق الrhodoide. من بعد حط التشيزكايك في الcongélateur لمدة 4 ساعات. ثم نحيه من الmoule وخليه 2 ساعات في الثلاجة قبل ما تزينه وتقدمه.

الوصفة

• فتفت البسكويت باستعمال الخلاط الكهربائي، حتى لين يولي كيف الرمل.
• زيد الزبدة الذايبة وخلط مليح.
• حط البسكويت في قاع إناء التشيزكايك وإنزل عليه مليح باستعمال مغرفة أو كاس.
• خليه يرتاح في الثلاجة ما بين قاعد تحضر في بقية التشيزكايك.

• اخدم الcream cheese مليح باستعمال الخلاط الكهربائي.
• زيد السكر المحور، بعد ما تغربله، وخلط حتى لين تتحصل على قوام كريمي.
• زيد الحليب المركز المحلى، عصير وقشور القارص والcrème fraiche.
• خلط مليح لين تتحصل على قوام متجانس.
• اركض كريمة الخفق مع الفانيليا باستعمال الخلاط الكهربائي.
• زيد الكريمة المخفوقة إلى خليط التشيزكايك.
• عبي إناء التشيزكايك إلي حطيت فيه البسكويت بالكريمة.
• خلي التشيزكايك يرتاح 4 ساعات على الأقل في الثلاجة قبل التقديم. من المستحسن خليه ليلة كاملة في الثلاجة.
• زين التشيزكايك بالغلال، شكلاطة، كرمال…

صحة وبالشفاء!