خبزة البرتقال
خبزة البرتقال. خفيفة وبنينة وساهلة، تحليلكم القعيدة في الشتاء مع كويس قهوة.
الخبزة هذي خفيفة وبنينة، تجي عالية و ماتستحقش شحور.
الوصفة
- إفصل أبيض العضم على الأصفر.
- أركض أصفر العضم مع السكر حتى يولي الخليط مستبيض.
- زيد قشور البرتقال، العصير، والزيت.
- زيد الفارينة والخميرة.
- في إناء نظيف، اركض أبيض العضم مع رشة ملح لين يولي كتلة ثلجية.
- زيد أبيض العضم للخليط وخلط بالشوية بش الهواء متع أبيض العضم ما يطيحش وتجي منفجة مليح.
- حط العجينة في إناء الفرن مدهون بالزبدة أو مغلف بورق الفرن.
- زين الخبزة بشرائح البرتقال و ذر عليهم شوية سكر.
- طيب الخبزة في حرارة 160° لمدة ساعة تقريباً.
- ديمة تأكد من الطياب بإستعمال سكينة تغرسها. إذا خرجت شايحة راهي طابت.
معلومات غذائية
- سعرات حرارية: 402
- كربوهيدرات: 49.9g
- كوليسترول: 65mg
- دهون: 20.5g
- ألياف: 1.1g
- بروتين: 6g
- دهون مشبعة: 4.2g
- حجم الحصة: 1 قطعة
- صوديوم: 27mg
- سكر: 22g
