تارت البرتقال والشكلاطة
هل إنت من محبي الشكلاطة مع البرتقال؟
الروسات هاذي بش تعجب الناس المغرومين بالمزيج متاع الشكلاطة بالبرتقال. ساهلة وبنينة.
جربتلكم زادة قشور البرتقال الملبسة في الوصفة هذي. تنجمو تاكلوهم وحدهم، مغتصين في الشكلاطة وإلى تزينو بيهم حلوياتكم.
الوصفة
كريمة البرتقال
- حط عصير وقشور البرتقال يغليو على النار.
- اركض العظمة وأبيض العظمة والسكر حتى لين يبياضو من بعد زيد النشا.
- صب العصير على خليط العظم وخلط. طيب الكريمة على نار متوسطة حتى لين تولي عاقدة.
- بعد الكريمة من على النار وزيدها مكعبات الزبدة الباردة.
- حط الكريمة في صحفة بلار وغطيها بديمافري وخليها تبرد في الثلاجة لمدة 30 دقيقة على الأقل. حاول تلصق الديمافري مباشرة على الكريمة.
قشور البرتقال الملبس
- اغسل البرتقالات وقشرهم.
- نحي الطبقة البيضة متاع القشور. قص القشور شرائح بالطول.
- غطي القشور بالماء وحطهم يغليو لمدة 15 دقيقة. صفيهم وعاود غلي القشور مرتين اخرين.
- غلي الماء مع السكر من بعد زيدهم قشور البرتقال وخليهم على النار لمدة نصف دقيقة.
- حط القشور على ورق الفرن بش ما يلصقوش في بعضهم وخليهم يشيحوا على حرارة الغرفة لمدة ليلة. تنجمو زادة تغلفوهم بالسكر.
التارت
- أول حاجة حضر عجينة التارت وطيبها على درجة 180°C لمدة 20 دقيقة على الأقل. من بعد خلها تبرد قبل ما تستعملها.
- ذوب الشكلاطة في حمام ماري.
- حط كريمة البرتقال في التارت وغطيها بالشكلاطة مالفوق.
- زين التارت بقشور البرتقال.
- خليها تبرد في الثلاجة قبل التقديم.
صحة وبالشفاء!
