خبز السميد
خبز دياري على الطريقة التونسية
الخبز في عاداتنا التونسية حاجة ضرورية، بلا بيه الطاولة ناقصة والفطور ما يتحطش. اليوم مع تزايد عدد المخابز و كثرة اللهوة، قليل العباد إلي مازالت تعجن خبزها في الدار. لكن يبقى الخبز الدياري شهوة نزوروها ساعات باش نتذكرو ريحة الأميمة وإلا الجدة. الوصفة هذي متاع خبز سميد دياري فاوح بالبسباس وحبة الحلاوة ان شاء الله تجربوها و تعجبكم!
الوصفة
- 180°C
- 25 دق.
- خلط الخميرة والسكر مع شوية فارينة في شوية ماء دافئ وخليه يخمر لمدة 10 دقايق.
- خلط المكونات الكل مع بعضها - من غير الحبوب- وزيد الماء بالشوية بالشوية وأعرك لمدة 10 دقايق. تنجم تستعمل أكثر أو أقل من كمية الماء إلي في الوصفة، حسب جودة السميد إلي بش تستعملها.
- وقتلي العجينة تولي رطبة خليها ترتاح في صحفة كبيرة مدهونة بالزيت.
- خلي العجينة تخمر لمدة ساعة حتى يتضاعف حجمها.
- أعرك مليح مرة أخرى لمدة 3 دقايق وزيد الحبوب.
- أعمل خبزات صغار حسب الحجم إلي تحبو وزينها بسكينة و إلا فرشيطة.
- ادهن الخبيزات بشوية ماء وغطيهم بمنديلة قطن. خليها ترتاح لمدة ساعة.
- قبل ما تدخل الخبز للفرن، ادهنو بالحليب وإلا بأصفر عظمة.
- طيبهم لمدة 25 دقيقة على درجة حرارة 180°C.
- عادة نحط إناء مليان بالماء في الفرن مع الخبز بش يجني طري من داخل وما يشيحش.
صحة وبالشفاء!
