خبزة درع
وصفة تونسية
وصفة كايكة تونسية ساهلة وفيها منفعة.
خبزة الدرع من أحب الوصفات عند التوانسة. المكون الأساسي هو الدرع، حبوب تنبت في القارة الإفريقية، عندها برشة منافع وطعم مميز. إذا ماكش من محبي الحاجة كي تبدى حلوة برشة، ننصحك تحط 125g سكر في بلاصة 200g. أنا شخصيا نحب سكرها ناقص. نحبها زادة كي تبدى مفوحة بماء الزهر.
الوصفة
- في صحفة كبيرة، خلط المكونات الجافة مع بعضها : الفارينة، الدرع، السكر، سكر فانيليا، الخميرة، الجلجلان، الفاكية والزبيب. تنجم تخلي شوية فاكية على جنب بش تزين بها مالفوق.
- اركض العظم مع الحليب والزيت والزهر ثم زيدهم على المكونات الجافة وخلط مليح.
- ادهن أحراف إناء الفرن بالزيت والا بالزبدة قبل ما تحط فيه الخليط.
- زين مالفوق بالفاكية المهروشة.
- طيب الخبزة في فرن مسبق التسخين على درجة 160°C لمدة 45 دقيقة أو أكثر. ثبت في طياب الخبزة بإستعمال السكينة.
معلومات غذائية
- سعرات حرارية: 383
- كربوهيدرات: 50g
- كوليسترول: 56mg
- دهون: 19.1g
- ألياف: 3.3g
- بروتين: 7.6g
- دهون مشبعة: 3.8g
- حجم الحصة: 1 قطعة
- صوديوم: 50mg
- سكر: 21.6g
صحة وبالشفاء!
