تارت مالحة بالسبناخ والدجاج
تلوج على فكرة بنينة للعشاء؟ حويجة ساهلة وما تتكلفش؟ نقترح عليكم تارت مالحة بالدجاج والسبناخ.
ديمة نطيب التارت المالحة كل ما نحير في دبارة وإلا يبدى عندي حويجات في الفريجدار نحب “نرسكلهم”.
إن شاء الله الروسات تعجبكم.
الوصفة
- 180°C
- 30 min.
- حضر عجينة التارت حسب الوصفة إلي حكينا عليها قبل.
- قص الدجاج مكعبات وفوحه بشوية ملح، فلفل أكحل، تابل وثوم ومغرفة زيت. طيبهم حتى لين يتحمرو شوية.
- في نفس الوقت، طيب عجينة التارت لمدة 15 دقيقة في الفرن.
- قطّع الطماطم شرائح.
- كيف تطيب عجينة التارت، إدهنها بالجبن وحط شرائح الطماطم.
- خلط الدجاج مع السبناخ والكبّار وحطهم في التارت.
- اركض العظمات مع الكريمة الطازجة. فوحها بشوية ملح وفلفل أكحل وجوزة الطيب ثم أسكب الخليط على السبناخ والدجاج.
- طيب التارت لمدة 30 دقيقة في الفرن على حرارة 180 درجة.