مافينز البطاطا الحلوة

الوصفة هذي ياسر ساهلة وبنينة. المافينز خفاف وبلاش فارينة، بلاش سكر وبالبطاطا الحلوة.

بالنسبة للبطاطا الحلوة لازم تتقشر، تتقص مكعبات وتتسمط في ماء يغلي لمدة 15 إلى 20 دقيقة، أو تطيب بالبخار لمدة 20 دقيقة. من بعد تستقطرها وترفسها بالفرشيطة أو ترحيها.

في ما يخص فارينة الشوفان، إرحي الشوفان لين يولي غبرة كيما الفارينة.

الوصفة

• خلط المكونات الجافة مع بعضها: فارينة الشوفان، خميرة المرطبات، الملح والقرفة.
• في صحفة كبيرة، خلط البطاطا الحلوة المرفوسة مع العضم والزيت وشراب القيقب (أو العسل).
• زيد المكونات الجافة وخلط مليح.
• حط العجينة في قوالب الmuffins وزينهم مالفوق بالجوز.
• طيبهم في فرن مسبق التسخين على درجة 175°C لمدة 25 دقيقة.

صحة وبالشفاء!