تيراميسو
في الصيف، اش خير من حويجة فرشكة وبنينة تعديو بها العشوية وإلا السهرية مع العايلة والأصحاب. على هذاك جبتلكم وصفة تيراميسو ساهلة وخفيفة.
الوصفة
- أبدأ بتحضير القهوة وخليها تبرد.
- أفصل أصفر العظم على الأبيض.
- اركض أصفر العظم مع السكر لين يولي أبيض اللون من بعد زيد عليهم الmascarpone.
- اركض الأبيض متاع العظم لين يولي كتلة ثلجية. تنجم تزيده شوية ملح وإلا كربونات الصودا.
- خلط الأبيض متاع العظم مع خليط الmascarpone بالشوية.
- نفخ البسكويت في القهوة كعبة كعبة ورصفهم في الطبق.
- حط فرشة خليط الmascarpone فوق البسكويت، من بعد فرشة أخرى بسكويت وفرشة أخيرة متاع خليط الmascarpone.
- رش بودرة الكاكاو فوق الفرشة الأخيرة.
- خلي التيرامسيو يبرد ويشد روحو في الثلاجة على الأقل نصف ساعة قبل التقديم.
صحة وبالشفاء!
