أم علي
حلويات مصرية
كيف كنا مقيمين في السعودية، من بين الحلويات الشرقية المفضلة لينا هي أم علي.
توا لما نقلنا، توحشناها لذا قررت نجربها وحدي في الدار، طلعت ساهلة ماهلة وزيد البنة جات هي نفسها.
الوصفة
- 190°C
- 15دق.
- نفخ الزبيب في ماء دافي لمدة 30 دقيقة.
- فتفت الكرواسان طروف متوسطة الحجم وحطهم في إناء الفرن.
- سخن الحليب مع روح الفانيليا والعطرشية والسكر حتى لين يغليو.
- أركض كريمة الخفق أو الcrème chantilly.
- خوذ مغرفة كبيرة من الكريمة وخلطها مع الحليب.
- صب الحليب فوق الكرواسان وخليه يشرب.
- رش ⅔ من كمية الزبيب واللوز والجوز فوق الكرواسان.
- غطي الفوقاني الكل بالكريمة ورشها بالسكر المحور. دخلها للفرن مسبق التسخين على درجة 190°C لمدة بين 10 و 15 دقيقة.
- لازم أم علي تكون محمرة مليح مالفوق.
- دوب تخرجها من الفرن، زينها ببقية الفاكية والزبيب.
- من المستحسن قدمها دافية.
صحة وبالشفاء!!
